Office of the City Architect

Mandate

Ang pangunahing tungkulin at responsibilidad ng Tanggapan ng Arkitekto ng Lungsod ng Tayabas ay maging responsable sa pamamahala ng mga planong arkitektural, mga disenyo, at magbigay ng teknikal na tulong sa pagsasakatuparan ng mga plano para sa mga pampublikong gusali at imprastraktura ng Punong Ehekutibo ng Lokal na Pamahalaan. Layunin nitong isulong ang pag-unlad at pasiglahin ang paglago ng ekonomiya sa lungsod at sa mga pamayanang rural ng Pamahalaang Lungsod ng Tayabas.

Mission

Maghanda at maglaan ng mga planong arkitektural bilang bahagi sa pagkamit ng mahusay, mabilis, at maaasahang paghahatid ng mga pangunahing serbisyo at pasilidad para sa lungsod at maging mga proyektong pinondohan ng mga barangay ng Pamahalaang Lungsod ng Tayabas.

Vision

Nais naming manguna at makatulong sa paggawa ng mga planong arkitektural at disenyo na may malikhaing estetiko upang mapaunlad at mapaganda ang mga pamayanan ng Pamahalaang Lungsod ng Tayabas.

Service pledge

Kami ay mangangakong:
1.Tiyakin na ang mga planong arkitektural, disenyo, at mga guhit ay sumusunod sa mga itinakdang espesipikasyon habang pinananatili ang pagsunod sa lahat ng naaangkop na batas, pamantayan, at mga etikal na alituntunin.
2.Magbigay ng tulong at gabay sa prosesong arkitektural sa mga proyektong pinondohan ng Pamahalaang Lungsod ng Tayabas nang may kahusayan at propesyonalismo.
3.Tugunan ang mga pangangailangan ng mga kliyente at agaran itong aksyunan sa pamamagitan ng maagap at mahusay na serbisyo sa oras ng opisyal na trabaho at, kung kinakailangan, maging sa oras ng pananghalian.